Innhaldsprodusent digital undervisning
Kriminalomsorga si høgskule og utdanningssenter KRUS skal frå 2026 tilby fengselsbetjentutdanninga på deltid, med digital og samlingsbasert undervisning. I den samanheng søkjer vi to innhaldsprodusentar som vil bidra til å vidareutvikle og profesjonalisere den digitale undervisninga.
I denne stillinga vil du få ei nøkkelrolle i arbeidet med å styrkje det digitale undervisningsopplegget for studentane våre. Saman med dyktige og engasjerte kollegaer vil du vere med på å lage digitalt undervisningsmateriell som kombinerer deira fagkompetanse med di kompetanse på digital formidling. Vi ser etter deg som har kompetanse og erfaring med digital innhaldsproduksjon knytt til undervisning eller opplæring, gjerne frå ein utdanningsinstitusjon.
Har du spørsmål om stillinga, kan du kontakte avdelingsleiar Nina Stenvaag Leira på telefon 917 96 061 eller e-post nina.stenvaag-leira@krus.no.
Spesialbibliotekar
Biblioteket ved KRUS er ein viktig støttespelar for forsking, utdanning og utvikling innan straffegjennomføring.
Vi ser etter ein engasjert spesialbibliotekar som vil vere med på å vidareutvikle biblioteket vårt. Hos oss får du høve til å jobbe tett på forsking, utdanning og kriminalomsorga.
Vi søkjer deg som blir motivert av kunnskapsformidling og som trivst i eit moderne og nytenkjande miljø. Stillinga har varierte arbeidsoppgåver og reell moglegheit til å påverke bibliotektenestene og den vidare utviklinga.
Saman med hovudbibliotekaren vår vil du ha ansvar for drifta av biblioteket, og for å sørgje for at brukarane blir møtte på ein god måte.
Har du spørsmål om stillinga, kan du kontakte avdelingsleiar Nina Stenvaag Leira på telefon 917 96 061 eller e-post nina.stenvaag-leira@krus.no.
Høgskulelektor tryggleik
I denne stillinga vil du undervise og få moglegheit til å utvikle kompetanse knytt til tryggleik i straffegjennomføringsfeltet. Ved høgskulen vår har vi mange ulike fagområde og fagdisiplinar, til dømes kriminologi, sosiologi, filosofi, juss, psykologi, psykisk helsearbeid, sosialt arbeid og tryggleiksfag.
Ved Institutt for kriminalomsorgsstudiar, i seksjon for tryggleik, er det ledig ei fast stilling som høgskulelektor innanfor tryggleiksfeltet.
Vi ser etter deg som har kompetanse og relevant erfaring frå arbeid med risiko- og tryggleiksstyring, til dømes arbeid med samfunnstryggleik, tryggleikskultur, beredskapsplanlegging, risikovurderingar, risikokommunikasjon m.m.
Har du spørsmål om stillinga, kan du kontakte studieleiar Hans Petter Lade på tlf. 230 67 171 eller e-post hanspetter.lade@krus.no.